पिंपरीत भाजपाला ‘घरचा आहेर’; महापालिकेतील ‘भ्रष्टाचार’ पदाधिकाऱ्याकडूनच उघड!

पिंपरी चिंचवड शहरात भाजपाला घरचा आहेर मिळाला आहे. महापालिकेतील भ्रष्टाचार चक्क भाजपाच्या पदाधिकाऱ्यानेच उघड केला आहे. महापालिकेने केलेल्या बिन्स कंटेनर खरेदीत मोठा भ्रष्टाचार करण्यात आला आहे. पुणे महापालिकेच्या तुलनेत दुप्पट दराने सदरची कंटेनर खरेदी करण्यात आली असल्याचे भाजपा सरचिटणीस अमोल थोरात यांनी म्हटले आहे. दरम्यान या खरेदीत महापालिकेच्या अधिकार्यांनी सत्ताधारी भाजपला अंधारात ठेवल्याचा दावा ते करत आहेत.