पवनाथडी जत्रेत फलकबाजीवरून ‘राडा’; राष्ट्रवादीसह भाजपचे अनधिकृत फलक हटविले

यंदाच्या वर्षी सुरूवातीपासून वादाच्या भोवऱ्यात सापडलेल्या पवनाथडी जत्रेत आज फलकबाजीवरून ‘राडा’ झाला. जत्रेत येणाऱ्या नागरिकांना शुभेच्छा देण्यासाठी लावण्यात आलेल्या फलकांवरून सांगवीतील राष्ट्रवादीचे स्थानिक कार्यकर्ते आणि महापालिका आयुक्त श्रावण हर्डीकर यांच्यामध्ये ‘शाब्दिक’ चकमक उडाली. हा प्रकार सायंकाळी सातच्या सुमारास घडला.