शिवसेनेचे दोन्ही खासदार खोटारडे!

• आरोप सिद्ध करा ः महापौर नितीन काळजे यांचे आव्हान

पिंपरी,  (प्रतिनिधी) – समाविष्ट गावांतील विकासकामांवर खर्च करण्यासाठी मंजूर केलेल्या 406 कोटींच्या निविदा सरासरी 7.19 टक्के कमी दराच्या आहेत. त्यामुळे शिवसेनेचे खासदार शिवाजीराव आढळराव पाटील व श्रीरंग बारणे यांना निविदा दहा टक्के जादा दराने मंजूर केल्याचे सिद्ध करता न आल्यास त्यांनी राजकारण सोडून द्यावे, असे आव्हान महापौर नितीन काळजे यांनी मंगळवारी (दि. 23) पत्रकार परिषदेत दिले.