देहूरोड-निगडी रस्त्याचे चौपदरीकरण काम अंतिम टप्प्यात

पुणे-मुंबई महामार्ग : महिनाभरात काम पूर्ण करण्याचे नियोजन

देहूरोड, (प्रतिनिधी) – पुणे-मुंबई राष्ट्रीय महामार्ग क्रमांक 4 निगडी ते देहूरोड दरम्यानच्या रस्ता चौपदरीकरणाचे गेल्या 13 महिन्यांपासून सुरू असलेले काम अंतिम टप्प्यात आहे. येत्या महिनाभरात चौपदरीकरण व अनुषंगिक कामे पूर्ण करण्याचे नियोजन असल्याचे व येत्या आठवड्यात रस्ता दुभाजकातील पथदिव्यांचे खांब बसविण्याचे काम सुरू होत असून, एलईडी दिव्यांनी महामार्गावर लखलखाट होणार असल्याची माहिती महामार्ग प्रशासनाकडून प्राप्त झाली आहे.