पिंपरी चिंचवड शहरातील नागरिकांच्या विविध मागण्यासाठी राष्ट्रवादीचे आयुक्तानां निवेदन

पिंपरी चिंचवड शहरातील नागरिकांच्या विविध मागण्यासाठी आज राष्ट्रवादी कॉंग्रेसच्या वतीने महापौर, आयुक्त तसेच क्षेत्रीय अधिका-यांना निवेदन देण्यात आले. पिंपरी चिंचवड महानगरपालिकेमध्ये अनेक वर्षानंतर सत्तांतर झाले व त्यानंतर या शहरात नवनवीन आर्थिक संकल्पना रुजत आहेत व करदात्या नागरिकाकडून पठाणी वसुली करण्याचा प्रयत्न चालू असल्याचे दिसून येत आहे. शहरात चालू असणा-या विकासकामासाठी सत्ताधारी वाढीव दराने देत असलेली मंजुरी हे या सत्ताधा-यांच्या भ्रष्टाचारासाठीच असणारे नियोजन आहे. हे वेगळे सांगण्याची गरज नसल्याचे या निवेदनात नमूद केले आहे.