भाजप विरोधात महिला राष्ट्रवादीचे आंदोलन

पिंपरी – मुख्यमंत्री देवेंद्र फडणवीस यांच्या कार्यकाळात राज्यभर महिलांवरील अन्याय, अत्याचाराच्या घटनांत वाढ झाली आहे. महिलांचे सक्षमीकरण करू व महिलांना सन्मानपूर्वक वागणूक देऊ, तसेच, शहरात स्वतंत्र पोलीस आयुक्‍तालय उभारून येथील गुन्हेगारांना वचक बसवू, असेही आश्वासन दिले होते. मात्र, सत्ताधाऱ्यांची ही आश्‍वासने फोल ठरली आहेत. याच्या निषेधार्थ पिंपरी-चिंचवड राष्ट्रवादी महिला कॉंग्रेस तर्फे डॉ. बाबासाहेब आंबेडकर चौकात राष्ट्रवादी महिला कॉंग्रेस शहराध्यक्षा वैशाली काळभोर यांच्या नेतृत्वाखाली गुरुवार दि. 8 ला जागतीक महिला दिनी मूक आंदोलन करण्यात आले.