प्लास्टिकबंदीबाबत पिंपरी पालिका अजूनही सुस्तच

प्लास्टिक व थर्माकोलच्या वस्तू वापरण्यास राज्य शासनाचे गुढीपाडव्यास (दि.18) बंदी घातली आहे. ती वापरणे, विक्री करणे आणि उत्पादन केल्यास शिक्षेची तरतूद केली आहे. याबाबत महिन्याभरात कारवाई करून शहरातील दुकानदार व उत्पादकांकडून प्लास्टिकची विल्हेवाट लावण्याबाबतचे स्पष्ट निर्देश दिले आहेत. मात्र, आठवडा उलटूनही, अद्याप पिंपरी-चिंचवड महापालिका प्रशासनाकडून कोणतीही कारवाई करण्यात आलेली नसल्याचे धक्कादायक चित्र आहे.