चाकण-तळेगाव रस्त्याची खड्ड्यांमुळे चाळण

चाकण-ऑटो हब असलेल्या येथील चाकण-तळेगाव रस्त्यावरील खड्ड्यांमुळे रस्त्याची अवस्था दयनीय झाली असून रस्त्याची अक्षरशः चाळण झाली आहे. या रस्त्यावर महाळुंगे इंगळे व खालुंब्रे गावच्या हद्दीत मोठ्या प्रमाणावर खड्डे असून रस्त्यात खड्डे, की खड्ड्यात रस्ता हेच समजत नाही. खड्डे चुकविताना वाहन चालकांना मोठी कसरत करावी लागत असून, कंटेनर व ट्रेलरसारखी अवजड वाहने खड्डे चुकविताना थेट समोरच्या वाहनांवर जाऊन अपघात होत आहेत. खड्ड्यांमुळे वाहतूक संथ गतीने होत आहे. अवजड वाहनांना या रस्त्यावरून दिवसा वाहतूक करण्यास बंदी घालण्याची मागणी नागरिकांकडून होत आहे.