मेट्रोलगत बांधकामाला बंदी

पुणे : मेट्रोच्या भुयारी मार्गाच्या आणि भुयारी स्टेशनच्या दोन्ही बाजूस २० मीटरपर्यंत कोणत्याही नव्या स्वरूपाच्या बांधकामाला 'ना हरकत प्रमाणपत्र' (एनओसी) दिले जाणार नाही, अशी अट 'महाराष्ट्र मेट्रो रेल्वे कॉर्पोरेशन'ने (महामेट्रो) घातली आहे. त्यामुळे शहराच्या जुन्या परिसरातील जीर्ण इमारती-वाड्यांचा पुनर्विकास पूर्णत: ठप्प होण्याची भीती आहे. मेट्रोच्या बांधकामाला कोणत्याही प्रकारचा अडथळा होऊ नये, यासाठी भुयारी मार्गाप्रमाणेच उन्नत स्वरूपाच्या (एलिव्हेटड) मार्गांलगत २० मीटरपर्यंत नव्या बांधकामाला 'एनओसी' दिली जाणार नसल्याचे 'महामेट्रो'ने स्पष्ट केले आहे.