274 गुणवंतांना महापालिकेचे बक्षीस

पिंपरी – पिंपरी-चिंचवड महापालिकेच्या वतीने सन 2017-18 या आर्थिक वर्षाकरिता दहावी आणि बारावीमध्ये 80 टक्‍क्‍यांपेक्षा अधिक गुण संपादन केलेल्या विद्यार्थ्यांना बक्षीस देण्यासाठी अर्ज मागविण्यात आले होते. त्यासाठी महापालिकेकडे अर्जांचा पाऊस पडला. त्यामध्ये 575 विद्यार्थ्यांचे अर्ज अपात्र ठरले होते. मात्र, त्यापैकी 274 विद्यार्थ्यांनी कागदपत्रांची पूर्तता केल्याने त्यांना पुन्हा संधी देत बक्षिसाची रक्कम देण्यात येणार आहे. त्यासाठी 32 लाख 45 हजार रूपये खर्च होणार आहे.