महापालिका सभांची “तारीख पे तारीख’!

पिंपरी – मान्यवरांना श्रध्दांजली अर्पण करण्याच्या नावाखाली पिंपरी-चिंचवड महापालिकेच्या सर्वसाधारण सभा तहकूब करण्याचा सपाटा सत्ताधारी भाजपने लावला आहे. 16 महिन्यांच्या कालावधीत 18 वेळा सभा तहकूब करुन सत्ताधाऱ्यांनी कडी केली आहे. महासभेच्या या “तारीख पे तारीख’मुळे अनेक महत्त्वाचे प्रस्ताव लालफितीत अडकल्याने करदाते संताप व्यक्त करत आहेत.