सावित्रीबाई फुले पुणे विद्यापीठात पीसीसीओईआरचा प्रथम क्रमांक

कुशवाह आणि वाडी यांना पैकीच्या पैकी गुण, चौधरी आणि जगताप विद्यापीठात प्रथम

चौफेर न्यूज –  सावित्रीबाई फुले पुणे विद्यापीठाअंतर्गत घेण्यात आलेल्या प्रथम वर्ष अभियांत्रिकी परिक्षेत पीसीसीओईआरने कमी कालावधीमध्ये विद्यापीठातील नामवंत महाविद्यालयांना मागे टाकीत एकूण निकालात चौथ्या क्रमांकावर झेप घेतली आहे. अशी माहिती संस्थेच्या वतीने प्रसिध्दीस दिलेल्या पत्रकात देण्यात आली आहे. पिंपरी चिंचवड एज्युकेशन ट्रस्टच्या (पीसीईटी) रावेत येथील पिंपरी चिंचवड अभियांत्रिकी व संशोधन केंद्र महाविद्यालयाचा (पीसीसीओईआर) प्रथम वर्षातील सौरभसिंग कुशवाह आणि पियुष वाडी या दोन विद्यार्थ्यांनी इंजिनिअरींग मॅथेमॅटिक्स पार्ट दोन मध्ये 100 पैकी 100 गुण मिळवून विद्यापीठामध्ये प्रथम क्रमांक मिळवला. तसेच इंजिनिअरींग केमिस्ट्री या विषयात संकेत चौधरी व इंजिनिअरींग मेकॅनिक्स या विषयात वैष्णवी जगताप यांनीही सावित्रीबाई फुले पुणे विद्यापीठाअंतर्गत घेण्यात आलेल्या प्रथम वर्ष अभियांत्रिकी परिक्षेत विद्यापीठामध्ये प्रथम क्रमांक मिळवला.