पुनरुत्थान गुरुकुलम मधील विद्यार्थ्यांचे कौशल्य पाहून लोकसभाध्यक्षा गेल्या भारावून!

पिंपरी (Pclive7.com):- चिंचवड येथील चापेकर स्मारक समितीच्या वतीने चालविण्यात येणा-या पुनरुत्थान समरसता गुरुकुलमला लोकसभेच्या अध्यक्षा सुमित्रा महाजन यांनी भेट दिली. त्यांनी विद्यार्थ्यांशी मनमोकळा संवाद साधला. विद्यार्थ्यांनी भगवद्गीतेतील १५ वा अध्याय न अडखळता वाचून दाखविला. तसेच मुलांचे लाकडी कोरीव काम, धातू काम पाहून महाजन भारावून गेल्या. त्यांनी  गुरुकुलमच्या कार्याचे कौतुक केले.