तक्रारीसोबतच द्या ऑनलाइन कागदपत्रे

'महारेरा'च्या कार्यपद्धतीत मोठा बदल

वर्षानुवर्षे रखडणारे बांधकाम प्रकल्प आणि व्यावसायिकांकडून होणारी फसवणूक टाळण्यासाठी अस्तित्वात आलेल्या 'महारेरा'कडे तक्रार करणे आता अधिक सोपे झाले आहे. 'महारेरा'कडे तक्रार करण्यासंबंधीच्या कार्यपद्धतीत बदल झाला आहे. त्यानुसार आता केवळ तक्रारच नव्हे तर, तक्रारीसोबत आवश्यक ती कागदपत्रेही ऑनलाइन पद्धतीनेच 'महारेरा'कडे पाठवता येणार आहेत. त्यामुळे ही कागदपत्रे 'महारेरा'च्या कार्यालयात पोहोचवण्याची गरज आता उरणार नाही.