20 टक्‍के पाणी “लिकेज’

– स्काडा प्रणाली निरुपयोगी : विस्कळीत पाणी पुरवठा तक्रारींत वाढ

पिंपरी – पिंपरी-चिंचवड शहराची तहान भागविण्याकरिता पवना धरणातून दररोज केल्या जाणाऱ्या पाणी पुरवठ्यापैकी 20 टक्के म्हणजेच 100 एमएलडी पाण्याची गळती (लिकेज) होत असल्याची धक्कादायक कबुली महापालिकेच्या पाणी पुरवठा विभागाच्या अधिकाऱ्यांनी दिली आहे. त्यामुळे शहराचा पाणी पुरवठा विस्कळीत होत असल्याचे वास्तव समोर आले आहे. परिणामी कोट्यवधी रुपये खर्च केलेली “स्काडा’ प्रणाली निरुपयोगी ठरली आहे.