अखेर महापौर राहुल जाधव यांनी या घटनेवरून मागितली माफी

पिंपरी-चिंचवडच्या महापौरपदी भाजपाचे राहुल जाधव यांची निवड झाल्यानंतर त्याचा आनंद साजरा करताना भाजपा कार्यकर्त्यांनी सुमारे १०० पोती भंडारा उधळून पालिका मुख्यालयाचा रंग पालटून टाकला होता. त्यातच पाऊस पडल्याने सर्वत्र पिवळा चिखल तयार झाला, त्याचा नागरिकांना त्रास झाला. काही दुचाकीस्वार घसरूनही पडले होते. अखेर महापौर जाधव यांनी माफी मागितली आहे. तसेच यापुढील काळात अशा घटना घडणार नाहीत, अशी ग्वाहीही त्यांनी दिली.