कमकुवत पोलिसांना पुणे शहर, ग्रामीणच्या वरिष्ठ पोलीस अधिकाऱ्यांची दमबाजी

पिंपरी-चिंचवड शहरामध्ये वाढती गुन्हेगारी कमी करण्यासाठी पिंपरी-चिंचवड आयुक्तालयाची निर्मीती करण्यात आली. पुणे शहर आणि पुणे ग्रामीण पोलीस दलातून पिंपरी चिंचवड आयुक्तालयात बदलून आलेल्या कमकुवत पोलीस अधिकारी आणि कर्मचाऱ्यांना पुणे शहर आणि ग्रामीणच्या अती वरिष्ठ अधिकाऱ्यांकडून दमबाजी करण्यात येत असल्याचा दावा करण्यात आला आहे. ग्रामीणचे पोलीस अधिक्षक आणि पुणे शहर मधील काही वरिष्ठ अधिकारी पिंपरी आयुक्तालयात नेमणूक करण्यात आलेल्या पोलीस अधिकारी आणि कर्मचाऱ्यांच्या वैयक्तीक भेटी घेऊन त्यांना दमबाजी करत असल्याचा दावा केला आहे.