मोरे नाटय़गृह कधी सुरू होणार?

चिंचवड येथील रामकृष्ण मोरे नाटय़गृहाचे नूतनीकरण चार महिन्यांत पूर्ण करायचे आहे, असे सांगून महापालिकेने नाटय़गृह बंद ठेवले. तब्बल १८ कोटी रुपये खर्च करून करण्यात येणाऱ्या या नूतनीकरणाचे काम चार महिन्यांनंतरही रडतखडत सुरू आहे. नाटय़गृह कधी सुरू होणार, या विषयी कोणाकडेच खात्रीशीर माहिती नाही. त्यामुळे पालिकेच्या या नियोजनशून्य कारभाराविषयी सांस्कृतिक वर्तुळात तीव्र संताप व्यक्त करण्यात येत आहे.