पिंपरी-चिंचवड मनपा सेवक पतसंस्थेला महाराष्ट्र राज्य फेडरेशनचा दीपस्तंभ पुरस्कार

महाराष्ट्र राज्य सहकारी पतसंस्था फेडरेशनच्या वतीने राज्यातील उत्कृष्ट पतसंस्थांना देण्यात येणारा दीपस्तंभ पुरस्कार पिंपरी चिंचवड महानगरपालिका सेवकांची सहकारी पतसंस्था या संस्थेला सहकार मंत्री सुभाष देशमुख यांच्या हस्ते देण्यात आला. राज्यातील पतसंस्था संचालकांचे दोन दिवसाचे निवासी प्रशिक्षण शिबिर लोणावळा येथे आयोजित करण्यात आले होते. या शिबिराच्या उद्घाटप्रसंगी मंगळवारी (25 सप्टेंबर 18) सहकार मंत्री देशमुख यांच्या हस्ते पुरस्कार वितरण करण्यात आले. या वेळी आमदार बाळा भेगडे, सहकार भारतीचे राष्ट्रीय महामंत्री डॉ. उदय जोशी, पतसंस्था फेडरेशनचे अध्यक्ष ओमप्रकाश तथा काका कोयटे, महाराष्ट्र राज्य सहकार परिषदेचे शेखर चरेगावकर, सहकार आयुक्त सतीश सोनी,  लोणावळ्याच्या नगराध्यक्षा सुरेखा जाधव, पिंपरी चिंचवड कर्मचारी महासंघाचे अध्यक्ष शशिकांत ऊर्फ बबन झिंजूर्डे तसेच पतसंस्थेचे चेअरमन आबा गोरे व संचालक उपस्थित होते.