राष्ट्रध्वज फडकविण्यासाठी निविदा

पिंपरी – पिंपरी-चिंचवड महापालिकेच्या वतीने निगडी येथील भक्ती-शक्ती चौक येथे देशातील सर्वाधिक 107 मीटर उंचीवर उभारलेल्या राष्ट्रध्वजाची शिलाई उसवल्याने स्वातंत्र्य दिनानंतर हा ध्वज उतरवून ठेवण्यात आला होता. मात्र, आता हा राष्ट्रध्वज आठ महिने फडकवत ठेवण्याचे नियोजन करण्यात आले आहे. त्यासाठी भारत-पाकिस्तानच्या वाघा बॉर्डरवर मोठ्या उंचीवर ध्वज फडकविण्याचे काम करणाऱ्या संस्थेला आमंत्रित करण्यात आले आहे, अशी माहिती प्रभारी अतिरिक्त आयुक्त प्रवीण आष्टीकर यांनी दिली.