नगरसेविका राजश्री काळे पालिकेत गर्दीसमोर रडल्या

पुणे : शहरभर अतिक्रमणे थाटली गेली आहेत, ती तुम्हाला दिसत नाहीत का ? मग, पारधी समाजातील कुटुंबीयांच्या घरांवर हातोडा का उगारला, अशा शब्दांत अतिरिक्त आयुक्तांना जाब विचारत, सत्ताधारी भाजपच्या नगरसेविका राजश्री काळे यांनी महापालिकेच्या प्रशासनाची कोंडी केली. मात्र, अतिरिक्त आयुक्त राजेंद्र निंबाळकर आपले म्हणणे ऐकून घेत नसल्याने काळे यांचा कंठ दाटून आला आणि गर्दीसमोरच त्या ढसाढसा रडल्या. ज्या लोकांच्या घरांवर कारवाई झाली, त्यांना महापालिकेत आणून आपल्या मागणीकडे लक्ष वेधण्याचा प्रयत्नही त्यांनी केला.