महापालिका आयुक्‍तांच्या चारचाकीला ‘ट्रिपल सीट’चा दंड

पिंपरी – वाहतुकीचा नियम मोडून वाहनचालक पळाल्यास वाहतूक पोलीस तातडीने नंबर लिहून पावती फाडतात. परंतु या घाईमध्ये कधी-कधी फजिती देखील होते, असाच प्रकार शहरातील वाहतूक पोलिसांकडून झाला आहे. वाहतूक पोलिसांनी चक्‍क मनपा आयुक्‍तांच्या कारच्या नंबरवर “ट्रिपल सीट’ दुचाकी चालवण्याची पावती फाडली आहे. क्रमांक लिहिताना डीएल ऐवजी सीएल लिहिले गेल्याने ही चूक घडली आहे.