बोपखेलकडे जाण्यासाठी मिळणार पर्यायी मार्ग

पुणे – बोपखेलकडे जाणारा रस्ता मिलिटरी इंजिनीअरिंग कॉलेजने (सीएमई) बंद केल्यामुळे येथील रहिवाशांसमोर अडचणी निर्माण झाल्या आहेत. त्यामुळे त्यांना पर्यायी रस्ता देण्यासाठी “सीएमई’ची जागा ताब्यात घेऊन, त्याच्या मोबदल्यात सीएमईला तेवढ्याच किंमतीची जागा देण्याचा निर्णय मुंबई येथे झालेल्या बैठकीत घेण्यात आला. पर्यायी जागा येत्या पंधरा दिवसांत शोधून त्या संदर्भातील अहवाल सादर करण्याचे आदेश राज्य सरकारने जिल्हाधिकाऱ्यांना दिले आहेत.