महेश लांडगे आणि मंगलदास बांदल या राजकीय पैलवानांच्या भेटीने चर्चेला ‘उधाण’

पिंपरी (Pclive7.com):- शिरूर लोकसभा मतदार संघाच्या आखाड्यात उतरण्यास तीव्र इच्छूक असलेले जिल्हा परिषदेचे माजी बांधकाम सभापती मंगलदास बांदल यांनी आज भोसरी विधानसभेचे आमदार महेश लांडगे यांची भेट घेतली. या भेटीत नेमकी काय चर्चा झाली यावर दोघांनीही भाष्य करणे टाळले असले तरी आगामी निवडणूकीच्या दृष्टीने महत्वपूर्ण खलबते झाली असल्याची चर्चा राजकीय वर्तुळात रंगू लागली आहे.