दहावीची परीक्षा उद्यापासून

पुणे –  राज्य माध्यमिक व उच्च माध्यमिक शिक्षण मंडळामार्फत घेण्यात येणारी इयत्ता दहावीची परीक्षा शुक्रवारपासून (दि.१ मार्च) सुरू होत आहे. परीक्षेला राज्यातील नऊ विभागीय मंडळातील एकूण १७ लाख ८२३ विद्यार्थी परीक्षा देणार आहेत. यावर्षी परीक्षेला ५० हजारांनी विद्यार्थी संख्या घटली.  ही माहिती राज्य मंडळाच्या अध्यक्षा शकुंतला काळे यांनी आज पत्रकार परिषदेत दिली. यावेळी सचिव डॉ. अशोक भोसले उपस्थित होते. यंदाची दहावीची परीक्षा नवीन अभ्यासक्रमानुसार होणार आहे.