अभुतपूर्व आणि अतुलनीय ठरलेली ‘इंद्रायणी थडी’..!

पिंपरी (Pclive7.com):- भोसरी विधानसभा मतदारसंघाचे आमदार महेश किसनराव लांडगे यांच्या संकल्पनेतून महाराष्ट्राच्या संस्कृतीशी जोडणारा आणि आपल्याला बालपणातील गावाशी पुन्हा जोडून अंतर्मुख करायला लावणारा ‘इंद्रायणी थडी’ हा ग्रामीण महोत्सव भरविण्यात आला होता. शिवांजली सखी महिला मंचाच्या अध्यक्षा पूजा महेश लांडगे यांचा व त्यांच्या महिला सहकाऱ्यांचा देखील सक्रिय सहभाग असलेला हा महोत्सव भोसरीमधील कै. अंकुशराव लांडगे नाट्यगृहाशेजारील गावजत्रा मैदानावर ८ ते ११ फेब्रुवारी दरम्यान नागरिकांच्या अलोट गर्दीत, त्यांनी तेथे असलेल्या विविध उपक्रमांचा मनसोक्त आनंद लुटल्यामुळे न भूतो न भविष्यती अशाप्रकारे यशस्वी झाला. यंदा हे या उपक्रमाचे पहिलेच वर्ष होते. पण यापूर्वी झालेल्या कोणत्याही जत्रेत अशा प्रकारचा नागरिकांचा उत्स्फूर्त प्रतिसाद अनुभवायला मिळाला नव्हता हे या जत्रेचे विशेष म्हणायला हवे. या चार दिवसांच्या कालावधीत एकूण पाच लाखांपेक्षा जास्त नागरिकांनी या इंद्रायणी थडीला भेट दिली.