कुंभकर्णाप्रमाणे १० वर्षे झोपलेल्यांकडून आता ‘फ्लेक्सबाजी’ – शिवाजीराव आढळराव पाटील

पिंपरी (Pclive7.com):- गेल्या साडेपाच वर्षाच्या कार्यकाळामध्ये शिरूर लोकसभा मतदार संघामध्ये अनेक विकासकामे मंजूर केलीत. त्यातील काही कामे प्रगतीपथावर आहेत. प्रशासकीय त्रुटींमुळे काही कामांना विलंब होत आहे. काही कामांचा डीपीआर तयार होत आहे, अशी सुमारे १५ हजार कोटींची कामे मार्गी लागत आहेत. परंतू कुंभकर्णाप्रमाणे १० वर्षे झोपलेल्या मंडळींनी आता फ्लेक्सबाजी सुरू केलीयं. बैलगाडा शर्यत, विमानतळ, नाशिक महामार्ग अशा प्रश्नांचा नुसता कांगावा केला जात असल्याचा आरोप राष्ट्रवादीचे संभाव्य उमेदवार विलास लांडे यांच्यावर नाव न घेता खासदार शिवाजीराव आढळराव पाटील यांनी पत्रकार परिषदेत केला.