बालेवाडीत रंगणार नॅशनल किक बॉक्सिंग स्पर्धा

पिंपरी (दि. २२ मार्च) :-   वाको इंडिया यांच्या वतीने आणि अमॅच्युर स्पोर्टस् किंक बॉक्सिंग असोसिएशन महाराष्ट्र यांच्या मान्यतेने ‘राष्ट्रीय किक बॉक्सिंग फेडरेशन चषक २०१९’ या स्पर्धेचे आयोजन २४ मार्च पासून शिवछत्रपती क्रीडा संकुल, म्हाळुंगे, बालेवाडी पुणे येथे करण्यात आले आहे. सदर स्पर्धा २८ मार्चप्रर्यंत चालणार असून, या स्पर्धेत देशातील २७ राज्य आणि ७ केंद्रशासित प्रदेश यामधील संघ सहभागी होणार आहेत. अशा प्रकारच्या स्पर्धांचे आयोजन पुण्यामध्ये प्रथमच होत असल्याचे या स्पर्धेचे आयोजक व असोसिएशनचे महाराष्ट्र प्रदेश अध्यक्ष संतोष म्हात्रे व चेअरमन संतोष बारणे यांनी सांगितले.