अजितदादांनी घेतली आझम पानसरेंची भेट, घरवापसीच्या चर्चेला ‘उधाण’

पिंपरी (Pclive7.com):- राष्ट्रवादीतून भाजपवासी झालेले ज्येष्ठ नेते आझम पानसरे यांची माजी उपमुख्यमंत्री अजित पवार यांनी आज (बुधवारी) सकाळी अचानक भेट घेतली. या भेटीमुळे राजकीय चर्चेला उधाण आले आहे. आझम पानसरेंच्या प्रकृतीची विचारणा करण्यासाठी ही भेट घेतल्याचे राष्ट्रवादी काँग्रेसकडून सांगण्यात येत असले तरी माजी आमदार विलास लांडे यांच्यासह राष्ट्रवादीचे निवडक पदाधिकारी यावेळी उपस्थित असल्याने पानसरेंच्या घर वापसीच्या चर्चेने जोर धरला आहे.