पालिका भवन परिसरात तब्बल 27 मोटारी धुळखात

पिंपरी-चिंचवड महापालिका भवनाच्या पार्किंग परिसरात तब्बल 27 मोटारी धुळखात पडून आहेत. तर, असंख्य दुचाक्यांचा खच पडला आहे. त्याचबरोबर वापरात नसलेले फर्निचर व साहित्य पडून आहे. अनेक वर्षांपासून पडून असलेल्या वाहन व फर्निचरमुळे अस्वच्छता निर्माण होऊन रोगराईसह सुरक्षेचा प्रश्‍न निर्माण झाला आहे. या पडिक भंगार साहित्यामुळे वाहनांना पार्किंग अपुरे पडत आहे.