टाटा ग्रुपनं ‘कोरोना’शी लढण्यासाठी दान केले 1500 कोटी

मुंबई : पोलीसनामा ऑनलाइन – देशावर आलेल्या प्रत्येक संकटाचा सामना करण्यासाठी टाटा ग्रुपकडून अनेकवेळा योगदान दिले आहे. टाटा ट्रस्टने कोरोनाशी लढण्यासाठी 500 कोटी रुपयांची आर्थिक मदत जाहीर केल्यानंतर आता टाटा सन्सने देखील 1000 कोटी रुपयांची अतिरिक्त मदत जाहीर केली आहे. टाटा ग्रुपचे सर्वेसर्वा रतन टाटा यांनी सांगितले की, कोरोनाच्या संकटाला तोंड देण्यासाठी आणि गरजा भागवण्यासाठी तातडीची आपत्कालीन संसाधनांची गरज आहे.