मुंबई, पुणे आणि ठाणे रेड झोनमध्ये, आरोग्य मंत्र्यांनी दिला ‘हा’ इशारा

कोरोनाचा महाराष्ट्रात प्रादुर्भाव वाढत आहे. लॉकडाऊनही वाढवण्यात आले आहे. त्या पार्श्वभूमीवर आरोग्यमंत्री राजेश टोपे यांनी आज महत्त्वाची माहिती दिली. ते म्हणाले देशातच कोरोना रुग्णांची संख्या लक्षात घेऊन देशात ग्रीन, ऑरेंज आणि रेड झोन करण्याचे संकेत पंतप्रधान नरेंद्र मोदी यांनी दिले आहेत. मुंबई, ठाणे, पुणे रेडझोनमध्येच असतील. त्या ठिकाणी लॉकडाऊनचं पालन करावं लागेल. हे पालन योग्य पद्धतीने झालं नाही तर लॉकडाऊन आणखी वाढवावा लागेल असा इशारा आरोग्यमंत्री राजेश टोपे यांनी दिला आहे. तसेच मेट्रो सिटीमध्ये याचे योग्य प्रकारे पालन होत नसल्याचेही त्यांनी यावेळी सांगितले.