स्वच्छतागृहे स्वच्छ ठेवा, अन्यथा बंद करा

पिंपरी  (प्रतिनिधी) – करोना विषाणूचा वाढता संसर्ग लक्षात घेता शहरातील सार्वजनिक स्वच्छतागृहांचे दिवसातून 4 वेळा निर्जंतुकीकरण करावे अथवा स्वच्छ ठेवण्यात यावे. महापालिका याबाबत आवश्‍यक दक्षता घेऊ शकत नसल्यास सर्व लहान-मोठे स्वच्छतागृह कुलूप लावून 3 मे पर्यंत बंद करावे, अशी मागणी अँटी कोरोना टास्क फोर्सच्या वतीने आयुक्त श्रावण हर्डीकर यांच्याकडे करण्यात आली आहे.