[Video] नगरसेवक शाम लांडे यांच्यावतीने कासारवाडीत ‘एक हात मदतीचा’ उपक्रम

पिंपरी (Pclive7.com):- कोरोनामुळे मागील बारा दिवसांपासून देशभर लॉकडाऊन करण्यात आले आहे. त्यामुळे शहरीभागातील हजारो कुटुंबियांची आर्थिक अडचण झाली आहे. अशा गरीब कुटुंबांना, शहरात भाड्याने राहणा-या महाविद्यालयीन विद्यार्थ्यांना अन्नाची टंचाई भासत आहे. अशा गरजू, गरीब, कुटुंबांना व विद्यार्थ्यांना सामाजिक उत्तरदायित्व म्हणून मदत करण्याच्या उद्देशाने कासारवाडीतील स्व. सीताबाई लांडे प्रतिष्ठान आणि नगरसेवक शाम लांडे मित्र परिवारच्या वतीने ‘एक हात मदतीचा’ या संकल्पनेतून अन्नधान्य, किराणा व सॅनिटायझर किटचे मोफत वाटप करण्यात येत आहे. कासारवाडीतील राष्ट्रवादी कॉंग्रेस पार्टीचे नगरसेवक व माजी विरोधी पक्षनेते शाम लांडे यांच्या संकल्पनेतून सुरु करण्यात आलेल्या या उपक्रमात कासारवाडी परिसरातील सुमारे दीड हजार कुटुंबांना या किटचे मोफत वाटप सोमवारपासून (दि.६) सुरु करण्यात आले. यावेळी शाम लांडे, भोसरी मंडलाधिकारी जयश्री महेश कवडे, भोसरी गाव कामगार तलाठी अश्विनी होडगे, जैन समाजाचे ज्येष्ठ सामाजिक कार्यकर्ते डॉ. अशोक पगारीया, शांतीलाल ओसवाल, प्रतिष्ठानचे कार्याध्यक्ष सयाजी लांडे, रमेशबापू लांडगे, राजेंद्र शेळके, विजय गाढवे, नितीन आगरवाल आदींच्या उपस्थित होते.