उद्योगांची ‘चाके’ आजपासून ‘धडाडणार’

अटी शर्तींसह कंपन्यांना परवानगी; बांधकाम क्षेत्रालाही दिलासा

पिंपरी – करोनाच्या संकटामुळे जाहीर करण्यात आलेल्या लॉकडाऊनमुळे पिंपरी-चिंचवड शहरातील सर्वच उद्योगांमधील “खडखड’ गेल्या साठ दिवसांपासून थांबली होती. त्याला आजपासून (सोमवार) गती मिळणार आहे. काही अटी व शर्तींवर कंपन्या सुरू करण्यास राज्य शासनाने परवानगी दिली आहे. तर बांधकाम व्यावसायिकांनाही दिलासा मिळाला असून, शहरातील बांधकामेही आजपासून सुरू होण्याचा मार्ग मोकळा झाला आहे.