‘लोकमत’ च्या चाकण कार्यालयाचा आज वर्धापन दिन

‘लोकमत’ च्या चाकण कार्यालयाचा आज वर्धापन दिन: राजगुरूनगर। दि. २७ (वार्ताहर)

‘लोकमत’च्या चाकण विभागीय कार्यालयाच्या पहिल्या वर्धापन दिनानिमित्त उद्या (मंगळवारी) चाकणला विविध कार्यक्रम आयोजिण्यात आले आहेत.
‘लोकमत’ने चाकणला विभागीय कार्यालय सुरू करून एक वर्ष पूर्ण झाले. त्याचे औचित्य साधून उद्या उद्योगपती, व्यावसायिक आणि वाचकांचा स्नेहमेळावा होणार आहे. चाकणला ‘नीलम एक्झिक्युटिव्ह’ येथे सायंकाळी साडेपाच ते साडेआठ दरम्यान हा सोहळा रंगणार आहे. या स्नेहमेळाव्यास वाचक, हितचिंतकांना उपस्थित राहण्याचे आवाहन ‘लोकमत परिवारा’कडून करण्यात आले आहे. लोकमत परिवारातर्फे संपादक विजय बाविस्कर, उपमहाव्यवस्थापक मिलन दर्डा हे स्नेहमेळाव्यात संवाद साधणार आहेत.
दरम्यान, सकाळी चाकण कार्यालयात पूजा- तीर्थप्रसाद होणार आहे. दुपारी रंगोली क्रिएशन्स प्रायोजक असणार्‍या शिवज्योत-तेजसनिर्मित व आरती दीक्षित प्रस्तुत ‘हिट्स ऑफ राजेश खन्ना’ हा बहारदार कार्यक्रम ‘लोकमत’च्या सखी सदस्यांसाठी होणार आहे.