अश्लील डीव्हीडींचा धंदा तेजीत

अश्लील डीव्हीडींचा धंदा तेजीत: प्रवीण बिडवे/पराग कुंकुलोळ । दि. १४ (पिंपरी)

मल्टिप्लेक्समध्ये नवीन चित्रपट झळकतो. परंतु, त्याची डीव्हीडी त्याच दिवशी रस्त्यावर विक्रीसाठी येते. तिकिटाच्या निम्म्याहून कमी किमतीत ती मिळते. विशेष म्हणजे तिच्या कव्हरवरच आगामी चित्रपटाची जाहिरातही केली जाते. आंबटशौकिनांचे तर सध्या चांगलेच फावते आहे. पोलिसांचे हात नित्यनेमाने ओले केले जात असल्याने अश्लील चित्रपटांच्या डीव्हीडी विक्रीचा व्यवसाय शहरात भलताच तेजीत आहे. अशा डीव्हीडींची खुलेआम विक्री सुरू राहावी, याची काळजी दस्तुरखुद्द पोलीसच वाहत आहेत. दररोज अशा शेकडो डीव्हीडींची विक्री होत आहे.