रेडझोन विरोधात आंदोलनाचा पवित्रा

रेडझोन विरोधात आंदोलनाचा पवित्रा: पिंपरी : देहूरोड रेडझोनची २ हजार यार्डची हद्द पूर्णपणे बेकायदेशीर आहे. ती ५00 मीटर आहे. प्रत्येकाने सहभागी झाल्याशिवाय रेडझोन विरोधी लढा यशस्वी होणार नाही, असे मत रेडझोन संघर्ष समितीचे अध्यक्ष सुदाम तरस यांनी व्यक्त केले.

व्यसनमुक्त युवक संघाने वंदे मातरम् चौक, रुपीनगर येथे रेडझोन शास्ती करासंदर्भात आयोजित केलेल्या सभेत आयोजित अध्यक्षस्थानी तरस बोलत होते. सभेमध्ये निसर्गराजा मित्र जिवांचे ज्येष्ठ नागरिक संघ, रुपीनगर, पीठ गिरणी महासंघ, रुपीनगर (शाखा), व्यापारी संघटना, रुपीनगर (तळवडे), भारत स्वाभिमान पतंजली योगपीठ, युवाभारत, पिंपरी-चिंचवड योग समिती इत्यादी संघटना तमाम रेडझोन बाधित नागरिक गणेश मंडळे यांनी सहभाग घेतला.