शुल्कवाढीमुळे धाईंजे शाळेत गोंधळ

शुल्कवाढीमुळे धाईंजे शाळेत गोंधळ: वाकड : थेरगाव, डांगे चौकातील लक्ष्मीबाई धाईंजे शिक्षण संस्थेने अचानक शैक्षणिक फी वाढवल्याने त्या विरोधात सुमारे १00 पालक शाळा आवारात एकवटले अन् संस्थाचालक, शिक्षक यांच्याशी शाब्दिक खडाजंगी झाल्याने काही काळ तणाव निर्माण झाला. अखेर संस्थापक चंद्रकांत धाईंजे यांनी पालकांची बैठक घेऊन तोडगा काढण्याचे आश्‍वासन दिल्याने पालकांनी माघार घेतली. मात्र, यातून मार्ग न काढल्यास सर्व विद्यार्थी शाळेवर बहिष्कार घालून सामूहिक रजेवर जाणार असल्याचे पालकांनी सांगितले आहे.