नदीघाट स्वच्छतेच्या कामात सेवेची अनुभूती

संजय माने - पिंपरी

वर्षभर शहर परिसर, गटारे, नालेसफाईचे काम करीत असतो. गणेशोत्सवात मात्र आमच्या वाट्याला नदीघाट स्वच्छतेचे काम येते. ज्या ठिकाणी गणेशमूर्तींचे विसर्जन होते, त्या ठिकाणी वर्षातून एकदा काम करण्याची संधी मिळते, हे आमचे भाग्यच आहे. या निमित्ताने सेवेची संधी मिळते, अशी भावना महापालिकेच्या आरोग्य विभागात साफसफाईचे काम करणारे कर्मचारी व्यक्त करतात.