पोलीसपुत्राला अभय

वाकड : पोलीसपुत्राकडून छेडछाड व दमदाटी होत असूनही तक्रार घेण्यास हिंजवडी पोलिसांकडून टाळाटाळ होत असल्याची कैफियत एका विवाहितेने मांडली आहे. उलट त्यांनी पोलिसात धाव घेतल्याचे कळताच त्याने टोळक्यासह त्यांच्या सोसायटीत जाऊन सोमवारी धिंगाणा घातला. हिंजवडी पोलीस त्याला अभय देत असल्याचा त्यांचा आरोप आहे. छेडछाडीकडे दुर्लक्ष केल्याचे प्रकरण तळेगाव दाभाडे पोलिसांना भोवले असताना शहरातही दुर्लक्ष होऊ लागल्याने आश्‍चर्य व्यक्त होत आहे.