चिंचवडगाव-चांदखेड पीएमपी बससेवा सुरू

आढले बुद्रुक : चिंचवडगाव ते चांदखेड पीएमपी बससेवा नुकतीच सुरु झाली. चांदखेड व परिसरातील दहा गावांतील नागरिकांचा रोज हिंजवडी, पिंपरी-चिंचवड, वाकड, डांगे चौक आदी गावांशी संपर्क येत असतो. तसेच हिंजवडी आयटी पार्कमध्ये जाणारा कामगारवर्गही मोठय़ा प्रमाणामध्ये असल्यामुळे बर्‍याच दिवसांपासून प्रवाशांची बससेवा सुरू करण्याची मागणी होती.
चिंचवडगाव येथून सुटणारी बस चिंचवडगाव मार्गे डांगे चौक, वाकड, हिंजवडी, मारुंजी, नेरे, कासारसाई अशी सुटणार असून, त्यामुळे या गावांतील प्रवाशांची सोय होणार आहे.