विद्यापीठ होणार चकाचक.!

पुणे : पुणे विद्यापीठ परिसर स्वच्छ करण्यासाठी प्रत्येक महिन्यातील एका रविवारी विद्यापीठामध्ये ‘स्वच्छता जागृती अभियान’ राबविले जाणार आहे. या अभियानात विद्यार्थी, शिक्षक व शिक्षकेतर कर्मचारी यांनी सहभागी व्हावे, असे आवाहन विद्यापीठातर्फे करण्यात आले आहे. विद्यापीठातील विद्यार्थी कमवा व शिका योजनेंतर्गत विद्यापीठातील परिसर स्वच्छ ठेवतात. परंतु, विद्यापीठचे कुलगुरू डॉ. वासुदेव गाडे हे ‘स्वच्छता जागृती’ अभियानात सहभागी होऊन विद्यार्थ्यांबरोबर विद्यापीठाचा परिसर स्वच्छ करणार आहेत. येत्या रविवारी सकाळी ६.३0 ते ९.00 या कालावधीत ही स्वच्छता मोहीम राबविली जाणार आहे.