गतिरोधकांवर पांढरे पट्टे

किवळे : किवळे-सांगवी बीआरटी रस्त्यावरील रावेत परिसरात रविवारी झालेल्या विविध तीन अपघातांत दोघे जखमी झाले होते व सहा वाहनांचे मोठे नुकसान झाले होते. महापालिकेने नव्याने बनविलेल्या अधिक उंचीच्या गतिरोधकांमुळे अपघात झाल्याचे वृत्त ‘लोकमत’मध्ये प्रसिद्ध झाल्यानंतर महापालिका प्रशासनाने दखल घेत रावेत परिसरातील सर्व गतिरोधकांवर पांढरे पट्टे मारले आहेत. तसेच रिफ्लेक्टर बसविले आहेत.