उन्हाच्या तडाख्यातही फुलझाडे तरारणार

पिंपरी : कासारवाडी, नाशिक फाटा चौकातील उद्योगपती भारतरत्न जे. आर. डी. टाटा दुमजली उड्डाणपुलाच्या हिरवळ टिकविण्यासाठी कुपनलिका खोदण्यात आलीे. त्या पाण्यातून सुशोभीकरण्यासाठी लावलेली रोपे व हिरवळ टिकविण्याचा प्रयत्न केला जाणार आहे. पुलाचे उद्घाटन होऊन दोन महिने उलटल्यानंतर महापालिका प्रशासनास जाग आली आहे. तहान लागल्यानंतर विहीर खोदण्याचा हा ‘लालफिती’च्या कारभाराचा प्रकार असल्याची चर्चा होत आहे.