वाबळे यांचा दाखला रद्द

पिंपरी : राष्ट्रवादी काँग्रेसचे भोसरी, इंद्रायणीनगर प्रभाग क्रमांक २९ चे नगरसेवक संजय वाबळे यांचा कुणबी जात पडताळणीचा दाखला रद्द ठरविणारा निर्णय मुंबई उच्च न्यायालयाने दिला आहे. २७ जुलैपर्यंत वाबळे यांनी पडताळणी समितीकडे आवश्यक ते पुरावे सादर करून फेरपडताळणी प्रक्रिया करून घ्यावी, असे आदेशही न्यायालयाने दिले आहेत. वाबळे यांच्या जात दाखल्याप्रकरणी प्रतिस्पर्धी उमेदवार योगेश भगवान लोंढे यांनी आक्षेप घेणारा दावा दाखल केला होता. त्याची सुनावणी झाली असून, या प्रकरणी शेवटपर्यंत न्यायालयीन लढा देण्याची भूमिका लोंढे यांनी पत्रकार परिषदेत व्यक्त केली.