दर बुधवारी करदाता दिन

केंद्रीय अबकारी कर, सेवा शुल्क आणि सीमा शुल्क या खात्यांबाबतीत तक्रारींचे निवारण करण्यासाठी दर बुधवार हा 'करदाता दिन' म्हणून सुरू करण्यात आला आहे. या दिवशी सकाळी नऊ ते दुपारी एक या कालावधीत करदाते हे भेटीची वेळ न ठरविता अधिकाऱ्यांना भेटू शकणार आहेत.

करदात्यांचे केंद्रीय अबकारी कर, सेवा शुल्क आणि सीमा शुल्क या विभागांमध्ये वैयक्तिक काम किंवा तक्रार असल्यास कोणाकडे जायचे, असा प्रश्न करदात्यांसमोर उभा राहतो. करदात्यांना होणारा हा त्रास कमी करण्यासाठी दर बुधवार हा 'करदाता दिन' म्हणून ठरविण्यात आला असल्याचे केंद्रीय अबकारी कर विभागाकडून सांगण्यात आले.