बोपोडी चौकातील “सिग्नल बंद’ योजना तासाभरातच फसली

वाहतूक कोंडीचा प्रश्‍न जटील : वाहतूक पोलिसांच्या प्रयत्नाला अपयश

दापोडी, (प्रतिनिधी) – पुणे-मुंबई महामार्गावर बोपोडी चौकात वाहतूक कोंडीचा प्रश्‍न दूर करण्याकरिता वाहतूक पोलीस विभागाने बुधवारी (दि. 10) दुपारी बोपोडी चौकात “विना सिग्नल’ (सिग्नल बंद) योजना तासाभरात गुंडाळण्यात आली. चौकातील स्टॉल, टपऱ्यांमुळे पुणे महानगर परिवहन (पीएमपी) बससह जड वाहने चौकातून वळवण्यास अडचणीचे ठरले. त्यामुळे वाहतूक पोलिसांच्या “प्रयोग’ ला पुढील काही काळ खीळ बसली आहे.