[Video] वाकड परिसरात अनधिकृत बांधकामावर प्राधिकरणाची धडक कारवाई

पिंपरी-चिंचवड नवनगर विकास प्राधिकरणच्या अतिक्रमण विभागाने आज (मंगळवारी) सकाळी वाकड आणि थेरगाव परिसरातील अनधिकृत बांधकामावर धडक कारवाई सुरु केली आहे. वाकड सर्व्हे नंबर 206 येथील अनधिकृत असलेली श्री साई इंग्लिश मिडीयम शाळा सकाळी नऊच्या सुमारास जमीनदोस्त केली आहे. याठिकाणी पाच ते सहा वर्ग आणि एक कार्यालय होते. कारवाई करण्यास शाळेच्या प्राचार्यांनी कडाडून विरोध केला. पंरतु, कडक पोलीस बंदोबस्तात शाळा जमीनदोस्त करण्यात आली आहे. वाकड, सर्व्हे 208, 209 सेक्टर 39 कस्पटे वस्ती येथे अनधिकृत 100 झोपड्या आहेत. तेथील नागरिकांना साहित्य काढण्सास वेळ दिला असून अनधिकृत झोपड्या पाडण्याचे काम सुरु असल्याचे, प्राधिकरणाचे उपअभियंता वंसत नाईक यांनी 'एमपीसी न्यूज'शी बोलताना सांगितले. प्राधिकरण आणि वाकड पोलीस यांच्या सहकार्याने दोन जेसीबी, 10 कामगारांच्या मदतीने ही कारवाई सुरु आहे.