साई चौक ते रहाटणी दरम्यानच्या अतिक्रमणावर कारवाई

आयुक्‍तांचे कारवाईचे आदेश : दोन दिवसांत कारवाई

पिंपरी, (प्रतिनिधी) – रहाटणी येथील मंजूर विकास आराखड्यानुसार साई चौक ते रहाटणी येथे उड्डाण पूल व ग्रेड सेपरेटरचे काम सुरू करण्यात येणार आहे. त्यासाठी या मार्गावरील वाहतुकीसाठी कोकणे चौक ते काळेवाडी फाटा 30 मीटर द्रूतगती मार्गाचा पर्यायी रस्ता म्हणून वापर करण्यात येणार आहे. त्यामुळे या मार्गातील नागरिकांच्या अतिक्रमणांवर तातडीने कारवाई करण्याचे आदेश आयुक्‍त श्रावण हर्डिकर यांनी दिले आहेत.